Денес, 30.09.2026 година, учениците од прва и втора година од Математичко-информатичката гимназија реализираа наставна посета на Собранието на Република Северна Македонија.
За учениците од прва година, посетата беше реализирана во рамките на предметот Историја, со цел учениците поблиску да се запознаат со историскиот аспект и значењето на оваа институција.
Учениците од втора година, во рамките на предметот Граѓанско образование, се запознаа поблиску со улогата, функционирањето и значењето на Собранието, како една од клучните институции на демократскиот систем.
За време на посетата, учениците имаа можност одблизу да ги видат просториите на Собранието и да ги прошират своите знаења преку непосредно наставно и едукативно искуство.
Учениците беа придружувани од училишниот психолог Елхаме Сопа Садики и проф. Мирвете Муслиу, наставник по соодветните предмети.
Ваквите посети придонесуваат кон збогатување на знаењата на учениците и поврзување на теоретското знаење со практичното искуство, правејќи го наставниот процес поблизок и покорисен за учениците.
